ზვიად კორძაძე საადვოკატო საქმიანობას ეწევა 1995 წლიდან. 2014 წლიდან იგი ქართულ–ამერიკული უნივერსიტეტის („გაუ“) ასოცირებული პროფესორი, თბილისის ივანე ჯავახიშვილის სახელობის სახელმწიფო უნივერსიტეტის მოწვეული ლექტორი და იურიდიული კლინიკის ხელმძღვანელია. იგი არის შპს ზვიად კორძაძის გამომცემლობის პარტნიორი, შპს თბილისის სამართლის სკოლის მმართველი პარტნიორი, თბილისის საარბიტრაჟო პალატის პარტნიორი, არბიტრი; საქართველოს იურიდიული ფირმების ასოციაციის თავმჯდომარე; საქართველოს ადვოკატთა ასოციაციის აღმასრულებელი საბჭოს წევრი;  საქართველოს ხარისხის ასოციაციის ვიცე–პრეზიდენტი, გამგეობის წევრი; საქართველოს სავაჭრო-სამრეწველო პალატის გამგეობის წევრი; ხელნაწერთა ინსტიტუტის მეგობართა საზოგადოების გამგეობის წევრი; თბილისის საერთაშორისო თეატრალური ფესტივალის საბჭოს წევრი და საქართველოს ოლიმპიური კომიტეტის ანტი-დოპინგური სააპელაციო კომისიის თავმჯდომარე.

ზვიად კორძაძე არის შემდეგი კრებულების სამეცნიერო რედაქტორი: ქართული კონსტიტუციონალიზმის ქრონიკები (თბილისი, 2016); იულიუს ჰაჩეკი, თანამედროვე  დემოკრატიის უფლება (თბილისი, 2016); ქართული სამართლის კლასიკა, წიგნი I (თბილისი, 2017); ქართული სამართლის კლასიკა, წიგნი II (თბილისი, 2019); სერგი ჯაფარიძე, სავაჭრო სამართალი, აკრძალული იურიდიული ლიტერატურის სერია, წიგნი I, (თბილისი, 2019); იროდიონ სურგულაძე, Gewalt und Recht, აკრძალული იურიდიული ლიტერატურის სერია, წიგნი II (თბილისი, 2019); გიორგი ნანეიშვილი, სამართლის ნამდვილობა და ცდა ნორმატიული ფაქტების დასაბუთებისა, აკრძალული იურიდიული ლიტერატურის სერია, წიგნი III (თბილისი, 2019).

ზვიად კორძაძემ 1994 წელს წარჩინებით დაამთავრა ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი; 1998 წელს - საქართველოს მეცნიერებათა აკადემიის სახელმწიფოსა და სამართლის ინსტიტუტის ასპირანტურა (სპეციალობა: სისხლის სამართალი) და ქართულ–ამერიკული უნივერსიტეტის („გაუ“) სამართლის სადოქტორო პროგრამა.

1995 წლიდან 2006 წლამდე ზვიად კორძაძე იყო ,,საქართველოს ახალგაზრდა იურისტთა ასოციაციას” გამგეობის წევრი; 1997-1998 წლებში - საქართველოს სახელმწიფო უშიშროების საბჭოს ადამიანის უფლებათა დაცვის გადაუდებელი საორგანიზაციო ღონისძიებათა შემმუშავებელი საუწყებათაშორისო კომისიის წევრი; 2001 წელს - საქართველოს გენერალური პროკურატურის სამეცნიერო-საკონსულტაციო საბჭოს წევრი 2002 წელს - საქართველოს პარლამენტის იურიდიულ საკითხთა, კანონიერებისა და ადმინისტრაციული რეფორმების კომიტეტის სამეცნიერო-საკონსულტაციო საბჭოს წევრი; 2005-2006 წლებში - საჯარო სამართლის იურიდიული პირი საზოგადოებრივი (სახაზინო) ადვოკატის სამსახურის საკოორდინაციო საბჭოს წევრი; 2006 წლიდან 2013 წლამდე - საქართველოს ადვოკატთა ასოციაციის აღმასრულებელი საბჭოს წევრი; 2011 წლიდან 2013 წლამდე - საქართველოს ადვოკატთა ასოციაციის სასწავლო ცენტრის საგანმანათლებლო საბჭოს თავმჯდომარე და საქართველოს ადვოკატთა ასოციაციის ჟურნალის რედაქტორი, 2013-2015 წლებში საქართველოს ადვოკატთა ასოციაციის ეთიკის კომისიის წევრი, 2010-2013 წლებში -საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს იურიდიული დახმარების სამსახურის მონიტორინგის საბჭოს წევრი; 2010-2013 წლებში სისხლის სამართლის სისტემის რეფორმის უწყებათაშორისი საკოორდინაციო საბჭოს წევრი, 2012-2016 წლებში - სამოქალაქო განვითარების სააგენტოს (სიდა) გამგეობის წევრი; 2013-2017 წლებში - საქართველოს არბიტრთა ასოციაციის გამგეობის წევრი; 2016-2017 წლებში - სახელმწიფო საკონსტიტუციო კომისიის წევრი; 2017 წელს - ადამიანის უფლებათა ევროპულ სასამართლოში მოსამართლეობის კანდიდატთა შერჩევის სამთავრობო კომისიის წევრი, საქართველოს სავაჭრო სამრეწველო პალატის საერთაშორისო საარბიტრაჟო ცენტრის გამგეობის წევრი, გამგეობის თავმჯდომარის მოადგილე.

ენები: ქართული - მშობლიური, რუსული - სრულყოფილად, ინგლისური - კარგად

მამუკა ჭაბაშვილმა საადვოკატო საქმიანობა სისხლის სამართლის სპეციალიზაციით დაიწყო საქართველოს ადვოკატთა კოლეგიაში, რის შემდეგადაც იმავე მიმართულებით საადვოკატო საქმიანობას ეწეოდა წლების განმავლობაში კს „კორძაძე და სვანიძე-ადვოკატებში“, 2003 წლიდან კი - კორძაძის საადვოკატო ბიუროს ადვოკატია. 1994 წელს მამუკა ჭაბაშვილმა დაამთავრა თბილისის სახელმწიფო უნივერსიტეტის იურიდიული ფაკულტეტი სამართალმცოდნეობის სპეციალობით. მონაწილეობა აქვს მიღებული მთელ რიგ პროფესიული განვითარების პროგრამებში, სემინარებსა და ტრენინგებში, რომლებიც შეეხებოდა ადამიანის უფლებათა ევროპული კონვენციის გამოყენებას და განმარტებას ადამიანის უფლებათა ევროპული სასამართლოს მიერ (გამართული ევროპის საბჭოსა და საქართველოს ახალგაზრდა იურისტთა ასოციაციის მიერ), ევროპის სასამართლოსათვის მიმართვის წესსა და პროცედურებს (ჩატარებული ევროპის ადამიანის უფლებათა დაცვის ცენტრის მიერ); ჩაბარებული აქვს ადვოკატთა ტესტირება საერთო სპეციალობით; არის საქართველოს ახალგაზრდა იურისტთა ასოციაციის წევრი, საქართველოს იურიდიული ფირმების ასოციაციის წევრი და საქართველოს ადვოკატთა ასოციაციის დამფუძნებელი წევრი.

ენები: ქართული - მშობლიური, რუსული - სრულყოფილად

ნინო ბოგვერაძე საადვოკატო საქმიანობას კორძაძის საადვოკატო ბიუროში ეწევა 2002 წლიდან. პარალერულ რეჟიმში ორი წლის განმავლობაში (2006-2008 წლებში) იგი იყო ჰოლდინგი საქართველოს ინდუსტრიული ჯგუფის იურიდიული სამსახურის უფროსი. 2018 წლიდან განათლების ხარისხის განვითარების ეროვნული ცენტრის ავტორიზაციისა და აკრედიტაციის ექსპერტია, არის ქართულ-ამერიკული უნივერსიტეტის პროფესორი, თბილისის სახელმწიფო უნივერსიტეტისა და საქართველოს საზოგადოებრივ საქმეთა ინსტიტუტის მოწვეული ლექტორი, ააიპ მარო მაყაშვილის საზოგადოების თავმჯდომარე და გამგეობის წევრი.

2001 წელს ნინო ბოგვერაძემ წარჩინებით დაამთავრა ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი (მაგისტრის ხარისხი); 2015 წელს წარჩინებით დაამთავრა ლონდონის უნივერსიტეტი საერთაშორისო ბიზნეს სამართლის სპეციალიზაციით (Postgraduate Diploma in Laws), 2018 წელს წარჩინებით დაამთავრა ჰარვარდის უნივერსიტეტი (განგრძობადი განათლების ფარგლებში ბიოსამედიცინო ეთიკა და სამართლებრივი წერა), 2018 წელს ქართულ-ამერიკულ უნივერსიტეტში დაიცვა დისერტაცია თემაზე სუროგაცია/დონაციის სამართლებრივი რეგულირების პრობლემები საერთაშორისო და ეროვნულ დონეზე და მიიღო სამართლის დოქტორის ხარისხი, იყო ამერიკის შეერთებულ შტატებში (ჩრდილოეთ კაროლინა) უცხოური გაცვლითი სასწავლო პროგრამის მონაწილე (აშშ-ს მთავრობის მიერ დაფინანსებული აკადემიური სტიპენდია), 2019 წელს გახდა ფულბრაიტის სამეცნიერო პროგრამის გამარჯვებული და  პროგრამის ფარგლებში აშშ-ში ფორდამის უნივერსიტეტში განახორციელა გამეტების სამართლებრივ და ეთიკურ საკითხებზე კვლევა; იყო საქართველოს იურიდიული ფირმების ასოციაციის ორგანიზებითა და ევროკავშირისა (EU4.Justice) და გაეროს განვითარების პროგრამის (UNDP) მხარდაჭერით განხორციელებული „იურიდიული კლინიკების როლი და მნიშვნელობა უმაღლეს სასწავლებლებში“ პროექტის ექსპერტი, არის ევროკავშირისა (EU) და გაეროს განვითარების პროგრამის (UNDP) მხარდაჭერით გამოცემული „არბიტრაჟის განმარტებითი ლექსიკონი“-ს სარედაქციო კოლეგიის წევრი, საქართველოს ადვოკატთა ასოციაციის წევრი, საქართველოს იურიდიული ფირმების ასოციაციის წევრი.

ნინო ბოგვერაძე არის რამდენიმე სტატიისა და მონოგრაფიის „სუროგაციის სამართლებრივი რეგულირების პრობლემები საერთაშორისო და ეროვნულ დონეზე“ ავტორი (თბილისი, 2019 წელი).

ენები: ქართული - მშობლიური, ინგლისური - სრულყოფილად, რუსული - სრულყოფილად

ირაკლი ალხაზაშვილმა საადვოკატო საქმიანობა კორძაძის საადვოკატო ბიუროში დაიწყო 2008 წლიდან. პარარელურ რეჟიმში იგი არის შპს თბილისის საარბიტრაჟო პალატის დირექტორი და საქართველოს ოლიმპიური კომიტეტის ანტი-დოპინგური სააპელაციო კომისიის წევრი. 2002 წელს ირაკლი ალხაზაშვილმა წარჩინებით დაამთავრა ქუთაისის აკაკი წერეთლის სახელობის სახელმწიფო უნივერსიტეტის იურიდიული ფაკულტეტი; 2003-2007 წლებში გერმანიაში, ესენ-დუისბურგის უნივერსიტეტში სწავლობდა როგორც იურიდიულ, ასევე პრატიკული სოციალური მეცნიერებების ფაკულტეტზე. 2006 წლის იანვრიდან 2006 წლის აგვისტოს ჩათვლით ქალაქ ესენში გაიარა პრაქტიკები სანოტარო ბიუროში და ფლორიან გისლერის საადვოკატო კომპანიაში. არის საქართველოს ადვოკატთა ასოციაციისა და საქართველოს იურიდიული ფირმების ასოციაციის წევრი

ენები: ქართული - მშობლიური, გერმანული სრულყოფილად, რუსული  სრულყოფილად

ეკატერინე ეგუტია კორძაძის საადვოკატო ბიუროს იურიდიული მრჩეველია 2019 წლის ივლისიდან. ეკატერინე საადვოკატო საქმიანობას აშშ-შიც ახორციელებს, კერძოდ ნიუ იორკში ბუტიკური იურიდიული ფირმის EK Law Office-ის დამფუძნებელი იურისტია. ეკატერინე ეგუტია 2015-2019 წლებში იყო თიბისი ბანკის იურიდული დეპარტამენტის უფროსი. 2010-2014 წლებში ეკატერინე მუშაობდა საქართველოს ინტელექტურალური საკუთრების ეროვნულ ცენტრში („საქპატენტი“) თავმჯდომარის მოადგილედ, სადაც პასუხისმგებელი იყო უწყების იურიდიულ და საერთაშორისო მიმართულებაზე, ასევე ხელმძღვანელობდა ინტელექტუალური საკუთრების დავების სააპელაციო პალატას.  2009-2010 წლებში მუშაობდა საქართველოს ფინანსთა სამინისტროში იურიდიული დეპარტამენტის უფროსად, ხელმძღვანელობდა სამართალწარმოების და სამართალშემოქმედების მიმართულებას. საჯარო სამსახურის კარიერის დაწყებამდე, ეკატერინე მუშაობდა იურისტად საერთაშორისო ორგანიზაციებში, კერძოდ გაეროს განვითარების პროგრამაში (2007-2008) და ევროკავშირის პროექტებში (2005-2007). მას აქვს იურისტად მუშაობის 15 წლიანი გამოცდილება ისეთი დარგებში, როგორიცაა კორპორატიული, სამოქალაქო, სახელშეკრულებო, ინტელექტურალური საკუთრება, ადმინისტრაციული, საფინანსო და საბანკო სამართალი. ეკატერინე ეგუტიამ დაამთავრა თბილისის სახელმწიფო უნივერსიტეტის საერთაშორისო სამართლის ფაკულტეტი (2003), იურისტის კვალიფიკაციით, ფინეთში მოიპოვა ჰელსინკის გამოყენებით მეცნიერებათა უნივერსიტეტის ბიზნეს ადმინისტრირების ბაკალავრის ხარისხი (2005) და შვედეთის ლუნდის უნივერსიტეტის მაგისტრის ხარისხი ევროპის ბიზნეს სამართლის დარგში (2006). ეკაერინე ეგუტია 2014-2015 წლებში სწავლობდა აშშ-ში ჰარვარდის სამართლის სკოლის სამაგისტრო პროგრამაზე და 2015 წელს მოიპოვა ჰარვარდის სამართლის მაგისტრის ხარისხი. ეკატერინე ეგუტია ფლობს როგორც საქართველოს საადვოკატო საქმიანობის ლიცენზიას, ისე ნიუ იორკის შტატის ადვოკატის ლიცენზიას. ეკატერინე არის საქართველოს ადვოკატთა ასოციაციის, ნიუ იორკის შტატის ადვოკატთა ასოციაციის და ამერიკის ადვოკატთა ასოციაციის წევრი.

თამარ ხატიაშვილი საადვოკატო საქმიანობას კორძაძის საადვოკატო ბიუროში 2021 წლიდან ახორციელებს. იგი ამავე დროს არის საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს შრომითი დავების მედიატორი.

თამარმა 2005 წელს წარჩინებით დაამთავრა ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი და მას მიენიჭა მაგისტრის ხარისხი. 2004 წლიდან იგი  თბილისის თვითმმართველობის სისტემაში, საკრებულოსა და მერიაში იკავებდა სხვადასხვა თანამდებობებს. 2011 წლიდან თამარი წარმოადგენს საქართველოს ადვოკატთა ასოციაციის წევრ ადვოკატს სამოქალაქო და ბავშვთა უფლებების სპეციალიზაციით, ხოლო 2019 წლიდან ასოციაციის შრომის სამართლის კომიტეტის წევრია.

2009-2017 წწ. თამარი თბილისის სახელმწიფო უნივერსიტეტის იურიდიულ ფაკულტეტზე საადვოკატო, სტაჟირებისა და მედიაციის კლინიკების ხელმძღვანელი იყო. პარალელურად იგი უძღვებოდა კომპლექსურ სალექციო კურსს ამავე უნივერსიტეტში მაგისტრატურის საფეხურის სტუდენტებთან.

2014 წლიდან თამარი ნიუ ვიჟენ უნივერსიტეტის დოქტორანტია, ხოლო 2017-2020 წლებში თამარი ნიუ ვიჟენ უნივერსიტეტის იურიდიული დახმარების ცენტრის ხელმძღვანელის პოზიციას იკავებდა.

თამარი 2019-2021 წლებში ხელმძღვანელობდა ,,კომერციულ დავებზე სასამართლო მონიტორინგის პროექტს“, რომელიც გაეროს განვითარების პროგრამის (UNDP) და გერმანიის თანამშრომლობის საერთაშორისო საზოგადოების (GIZ) მხარდაჭერით განხორციელდა.

თამარი წლების მანძილზე ჩართული იყო ნიუ ვიჟენ უნივერსიტეტის სხვადასხვა კვლევით და სასწავლო პროგრამებში, კონფერენციებში. იგი იურიდიული ეთიკის მიმართულების უფროსი მკვლევარი, შრომის სამართლის და სასამართლო მედიაციის ასევე ადვოკატთა ეთიკის იმიტირებული პროცესების  ექსპერტი/ტრენერი იყო.

თამარს გავლილი აქვს არაერთი სასწავლო კურსი მედიაცია/მოლაპარაკებებში, მათ შორის 2012 წელს სასამართლო მედიაციის საპილოტე პროექტის ფარგლებში (CEDR) ტრეინინგ კურსი მედიაციაში.

ენები: ქართული - მშობლიური; ინგლისური - სრულყოფილი; რუსული - სრულყოფილი.

ვანო კალმახელიძემ პრაქტიკული საქმიანობა დაიწყო კორძაძის საადვოკატო ბიუროში თავდაპირველად სტაჟიორის, ხოლო შემდგომ ადვოკატის პოზიციაზე. 2018 წელს ვანო კალმახელიძემ წარმატებით დაამთავრა ივანე ჯავახიშვილის სახელობის თბილისის სახელმწიფო უნივერსიტეტი (იურიდიული ფაკულტეტი -სამართლის ბაკალავრი), ხოლო 2020 წელს ამავე უნივერსიტეტში მიენიჭა მაგისტრის აკადემიური ხარისხი.

გარდა ქართული (მშობლიური) ენისა, ვანო კალმახელიძე სრულყოფილად საუბრობს რუსულ და ინგლისურ ენებზე. 

რევაზ დეკანოსიძე კორძაძის საადვოკატო ბიუროს შემოუერთდა 2017 წლის ოქტომბერში. გუნდში შემოერთებამდე იგი მუშაობდა ადვოკატის თანაშემწედ იურიდიულ კომპანიაში ჯეი ემ ჯი და პარტნიორები, მანამდე კი თბილისის საქალაქო სასამართლოს სამოქალაქო საქმეთა კოლეგიაში გაიარა სტაჟირების სრული კურსი, რის შემდეგაც მუშაობდა საქართველოს ახალგაზრდა იურისტთა ასოციაციაში ადვოკატის თანაშემწედ. რევაზი არის საქართველოს ადვოკატთა ასოციაციის წევრი სამოქალაქო და ადმინისტრაციული სპეციალიზაციით 2017 წლიდან, ხოლო საერთო სპეციალიზაციით  - 2019 წლიდან. 2017 წელს რევაზმა წარჩინებით დაამთავრა თბილისის სახელმწიფო უნივერსიტეტის იურიდიული ფაკულტეტი, ხოლო 2019 წელს ასევე წარჩინებით - ამავე ფაკულტეტის სამაგისტრო პროგრამა. სტუდენტობის პერიოდში რევაზი აქტიურად მონაწილეობდა არაერთ ეროვნულ და საერთაშორისო კონფერენციაში, დისკუსიასა და ტრენინგ-კურსში. იგი ავტორია 15-მდე პუბლიკაციის, მათ შორის, სტატიებისა და კვლევების სამართლის სხვადასხვა საკითხთან დაკავშირებით.

ენები: ქართული - მშობლიური, ინგლისური - სრულყოფილად, რუსული - კარგად.

ეთო რუხაძემ პრაქტიკული საქმიანობა დაიწყო 2015 წლიდან. 2017 წლიდან შეუერთდა კორძაძის საადვოკატო ბიუროს. 2017 წლიდან არის საქართველოს ადვოკატთა ასოციაციის წევრი სამოქალაქო სამართლის სპეციალიზაციით. 2020 წლიდან ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის მოწვეული ლექტორია. ეთო რუხაძე არის ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის კურსდამთავრებული, სადაც ის წარმატებით მონაწილეობდა მრავალ საერთაშორისო და ადგილობრივ კონფერენციაში. 2017-2019 წლებში ეთო რუხაძემ სწავლა განაგრძო ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის მაგისტრატურის საგანმანათლებლო საფეხურზე, კერძო სამართლის მიმართულებით. 2019 წლიდან ამავე უნივერსიტეტის იურიდიული ფაკულტეტის დოქტორანტია. მისი სადისერტაციო ნაშრომი შეეხება საკორპორაციო სამართლის მნიშვნელოვან საკითხებს. ეთო რუხაძეს გამოქვეყნებული აქვს 15-მდე სამეცნიერო ნაშრომი კერძო სამართლის აქტუალურ საკითხებზე.